ჭიკაძის მომდევნო მეტოქე ცნობილია - გიგას ჩხუბი მთავარი ბრძოლა იქნება
ESPN-ის ინფორმაციით, UFC-ის ქართველი მებრძოლი, გიგა ჭიკაძე მომდევნო ბრძოლას 28 აგვისტოს გამართავს და ედსონ ბარბოსას დაუპირისპირდება. გავლენიანი გამოცემის მიხედვით, UFC-ს საბოლოო დეტალებიღა დარჩა მოსაგვარებელი და როგორც კი, მებრძოლები კონტრაქტს ხელს მოაწერენ, მათი ჩხუბი სავარაუდოდ, UFC Fight Night-ის მთავარი მოვლენად (Main event) გამოცხადდება.
UFC is finalizing a featherweight fight between Edson Barboza and Giga Chikadze for Aug. 28, multiple sources told @bokamotoESPN.
— ESPN MMA (@espnmma) July 6, 2021
Once officially signed, the bout is expected to headline a UFC Fight Night event at a location to be announced. pic.twitter.com/Edftsn0n8v
ბარბოსას კარიერაში 31 ბრძოლა აქვს გამართული და მის ანგარიშზე 22 მოგება და 9 წაგებაა. UFC-ში მან ბოლოს 15 მაისს იჩხუბა და ბრწყინვალე ნოკაუტით შეინ ბურგოსი დაამარცხა. 35 წლის ბრაზილიელს ზედიზედ 2 მოგება აქვს, თუმცა გამარჯვებასთან დენ იგესთან და პოლ ფელდერთან გამართულ ბრძოლებშიც ახლოს იყო.
ბარბოსამ წონითი დივიზიონი შეიცვალა და ახალ დივიზიონში მე-5 ბრძოლას ჭიკაძის წინააღმდეგ გამართავს. გიგამ 2020 წელი ბრწყინვალედ ჩაატარა და 4 ბრძოლა მოიგო, 2021 წელს კი წარმატებული სერია განაგრძო და კაბ სვანსონს აჯობა.
როგორც მოგეხსენებათ, UFC-ის ღონისძიებების მთავარი მოვლენისადმი ყოველთვის უდიდესი ინტერესია და ისტორიაში პირველად მასში მონაწილეობას ქართველი მებრძოლი მიიღებს.
