გვილია ლეგიას დატოვებს? - ქეცბაია ქართველის გადაბირებას გეგმავს
''ანორთოსისის'' ქართველ მთავარ მწვრთნელს, თემურ ქეცბაიას პოლონური ''ლეგიას'' ნახევარმცველის, ვაკო გვილიას დამატება სურს. ინფორმაციას კვიპროსული მედია ავრცელებს. ამ ეტაპზე უცნობია ''ანორთოსისი'' მოთამაშის გამოსყიდვას გეგმავს თუ იჯარით დამატებას.
მიმდინარე სატრანსფერო ფანჯრისას ქეცბაიამ ორი ფეხბურთელი დაიმატა და გუნდის გაძლიერებას განაგრძობს. ''ნიუკასლის'' ექს-ფორვარდის ერთ-ერთი სამიზნე გვილიაა.
Cypriot report Claims @anorthosisfc head coach Temur Ketsbaia is Interested In Vako Gvilia. @anorthosisfc boss Temur Ketsbaia looking to sign several players to compete with @APOLLONOFFICIAL, @OMONOIAfootball and @AEKLARNACA. Georgian coach wants to improve in the midfield area pic.twitter.com/g8qaFW0t5Q
— Dima Shariqadze (@shariqadzedima) January 21, 2021
მოთამაშეს პოლონეთის ჩემპიონთა კონტრაქტი მიმდინარე სეზონის ბოლომდე აკავშირებს.
საქართველოს ეროვნული ნაკრების 26 წლის ნახევარმცველმა მიმდინარე სეზონის პოლონეთის ჩემპიონატში 9 მატჩი ჩაატარა და 1 საგოლე პასი შეასრულა. 2019-20 წლების სეზონში გვილია გაცილებით პროდუქტიული იყო.
გვილიას უკრაინის, ბელარუსის, შვეიცარიისა და პოლონეთის ჩემპიონატებში უთამაშია. გასულ სეზონში ''ლეგიასთან'' ერთად პოლონეთის ჩემპიონი გახდა.
შეგახსენებთ, თორნიკე ოქრიაშვილი გუნდს ნოემბრიდან მოყოლებული ვერ ეხმარება, რაც ქეცბაიას გუნდისთვის ძალიან დიდი დანაკლისია.