Telefoot – აუარმა არსენალში გადასვლაზე თანხმობა განაცხადა
„ლიონის“ ნახევარმცველს, უსემ აუარს კლუბის დატოვება და კარიერის „არსენალში“ გაგრძელება სურს. ფრანგული ტელეარხი Telefoot-ის ინფორმაციით, 22 წლის ფეხბურთელმა ლონდონურ კლუბში გადასვლაზე თანხმობა განაცხადა.
„ლიონს“ აუარის „იუვენტუსისთვისა“ და „ბარსელონასთვის“ მიყიდა სურდა, თუმცა მათგან კონკრეტული წინადადებები არ მიუღია და პოზიციის შეცვლა მოუწია. Telefoot-ის ცნობით, „ლიონსა“ და „არსენალს“ შორის მოლაპარაკებები არ მიმდინარეობს, მაგრამ ფრანგული ტელეარხის მტკიცებით, ეს უახლოეს პერიოდში შეიცვლება.
????INFO TELEFOOT [MERCATO]@HoussemAouar d'accord pour rejoindre @Arsenal !
— TELEFOOT LA CHAINE DU FOOT (@telefoot_chaine) September 25, 2020
???? Le Lyonnais privilégiait le @FCBarcelona et la @juventusfc mais pas d'offres concrètes
???? Discussions à venir entre l'@OL et les #Gunners pour affiner le montant proposé#telefootlachaine #transfert pic.twitter.com/kUsuUDG4s3
შეგახსენებთ, რომ 22 წლის აუარმა 2019-2020 წლების სეზონი უმაღლეს დონეზე ჩაატარა და ჩემპიონთა ლიგაზე მისმა პერფორმანსმა გრანდების ყურადღება მიიპყრო.
აუარს „ლიონის“ შემადგენლობაში 139 მატჩი აქვს ჩატარებული. მის ანგარიშზე 24 გოლი და 27 საგოლე გადაცემაა. ტრანსფერმარკეტი მას 50 მილიონ ევროდ აფასებს.