Sports.ru: წამყვანმა ქვეყნებმა უეფა-ს ერთა ლიგის გაუქმების თაობაზე მიმართეს!
არის შანსი, რომ კორონავირუსის გამო ერთა ლიგის გათამაშება 2019-20 წლების გათამაშება გაუქმდეს. საბოლოო გადაწყვეტილებას უეფა-ს შტაბ ბინაში დღეს გასამართ ონლაინ შეხვედრაზე მიიღებენ.
რუსული გამოცემა Sports.ru-ს ინფორმაციით, ტურნირის გაუქმების მთავარი ინიაციოტორები ევროპის ტოპ 5 ჩემპიონატის წარმომადგენელი ქვეყნების ფედერაციები არიან.
მათი მთავარი არგუმენტებია:
- ახალი საფეხბურთო კალენდარი ძალიან გადატვირთულია და ფეხბურთელები დიდ დატვირთვებს მიიღებენ.
- საკლუბო ფეხბურთისგან განსხვავებით, სანაკრებო მატჩებს მაყურებლების გარეშე მოგება არ მოაქვთ.
- ვირუსის გავრცელება ნაკრებში უფრო რეალურია ვიდრე კლუბებში, რადგან ნაკრების ფეხბურთელებს მოგზაურობა უწევთ და შეკრებაზე სხვადასხვა ქვეყნებიდან ჩადიან.
- ზოგიერთ ქვეყანაში ეპიდემიოლოგიური მდგომარეობა გაუარესდა.
Sports.ru-ს გარდა, ერთა ლიგის შესაძლო გაუქმების ცნობა ბრიტანულმა Sun-მა და Mirror-მაც გაავრცელა. ყველაფერი დეტალურად უეფა-ს ვიდეოკონფერენციაზე დაზუსტდება.
შეგახსენებთ, ერთა ლიგის D დივიზიონში საქართველოს ნაკრები ჯგუფის გამარჯვებული გახდა. ვლადიმირ ვაისის გუნდი გათამაშების ნახევარფინალში გავიდა და ბორის პაიჭაძის სახელობის დინამო არენაზე 8 ოქტომბერს ბელარუსის ნაკრებს უნდა დაუპირისპირდეს. გამარჯვების შემთხვევაში კი 12 ნოემბერს მაკედონიისა და კოსოვოს გამარჯვებულს თბილისში უმასპინძლებს.
რაც შეეხება 2020/2021 წლების გათამაშებას, საქართველოს ნაკრები C დივიზიონში ასპარეზობს და ჯგუფურ ეტაპზე სომხეთის, ესტონეთისა და მაკედონიის ნაკრებთა წინააღმდეგ თამაში მოუწევს.
