„ვინ“? - ანჩელოტიმ არაფერი იცის ფეხბურთელზე, რომელიც 11 წელია ევერტონში ირიცხება
„ევერტონის“ მთავარი მწვრთნელი, კარლო ანჩელოტი კურიოზულ ვითარებაში აღმოჩნდა. ერთ-ერთი ინტერვიუსას მას კითხვა ლუკ გარბატის შესახებ დაუსვეს. ეს უკანასკნელი „კანფეტების“ რიგებში 11 წელია ირიცხება, თუმცა იტალიელმა სპეციალისტმა მასზე არაფერი იცოდა.
„შეგიძლიათ, რამე გვითხრათ ლუკ გარბატის შესახებ, რომელიც ევერტონს ტოვებს? ის კლუბის ღირსებას 11 წელია იცავს. რატომ გადაწყვიტეთ მისი გაშვება“?
ანჩელოტიმ კითხვას კითხვით უპასუხა: „ვინ“? ამის შემდეგ, კარლო „ევერტონის“ პრესსამსახურის წარმომადგენელს მიუბრუნდა, რათა დაეზუსტებინა რაზე იყო საუბარი, შემდეგ კი, განაგრძო: „ბოდიში, მაგრამ თქვენმა კითხვამ გამაკვირვა. არ ვიცი“.
"Who?" ????
— Sky Sports Premier League (@SkySportsPL) June 30, 2020
Carlo Ancelotti was taken by surprise when asked why Luke Garbutt was leaving Everton after 1⃣1⃣ years at the club...???? pic.twitter.com/uQttkki2Lx
უცნაური ნამდვილად არაა ანჩელოტის გარბატის შესახებ ინფორმაცია რომ არ აქვს. ინგლისელი ფეხბურთელი 2009-დან 2011 წლამდე „ევერტონის" ახალგაზრდულ გუნდში თამაშობდა, მაგრამ ძირითად გუნდში თავის დამკვიდრება ვერ მოახერხა და „კანფეტებმა" 6-ჯერ გაანათხოვრეს.