ზაფხულში „მანჩესტერ სიტი“ შესაძლოა რამოდენიმე ფეხბურთელმა დატოვოს
„The Telegraph“-ის ინფორმაციით, ზაფხულში „მანჩესტერ სიტის“ შემადგენლობაში მნიშვნელოვანი ცვლილებები იგეგმება. იმ მოთამაშეების სია, რომლებმაც შესაძლოა გუნდი დატოვონ საკმაოდ გრძელია. მათგან ყველაზე გამოსარჩევი კი ალექსანდრ კოლაროვი, გაელ კლიში, იაია ტურე, სამირ ნასრი, ედინ ჯეკო და სტევან იოვეტიჩი არიან. როგორც ჩანს კლუბის ხელმძღვანელები ამ ფეხბურთელების თამაშით უკმაყოფილონი არიან და დიდი ალბათობით ზაფხულში უმეტესობა მათგანი „მანჩესტერ სიტის“ დატოვებს.
ამ მოთამაშეების გაყიდვიდან შემოსული ფულით მანჩესტერელები ნახევარდაცვის გაძლიერებას აპირებენ. მათი თვალთახედვის არეში კი პოლ პოგბა, კევინ დე ბრუინი, რახიმ სტერლინგი და როს ბარკლი არიან.
