Aa Aa
8 ოქტომბერი 2019  |  23:48

ეტოო:''გუარდიოლას ვერ ვიტან, თუმცა მან მასწავლა ფეხბურთის თამაში''

ლეგენდარულმა კამერუნელმა ფეხბურთელმა სამუელ ეტოომ 22-წლიანი კარიერის განმავლობაში არაერთ ცნობილ სპეციალისტთან იმუშავა. მათ შორის იყვნენ ჟოზე მოურინიო და პეპ გუარდიოლა. აფრიკელის ინტერვიუ ესპანურ მედიაში გამოქვეყნდა.

ეტოო გუარდიოლასთან ერთად კატალონიის ''ბარსელონაში'' მუშაობდა, ხოლო ჟოზე მოურინიო მისი მთავარი მწვრთნელი მილანის ''ინტერში'' იყო.

ეტოო გუარდიოლას შესახებ:''მიყვარს როგორც მწვრთნელი, მაგრამ არა როგორც პიროვნება. მას ვერ ვიტან, თუმცა მასთან ყოფნისას ფეხბურთის თამაში ვისწავლე. მისი პიროვნება არ მიყვარს.''

ეტოო მოურინიოზე საუბრობს:''ერთი თვის განმავლობაში სათადარიგოთა სკამზე ვიჯექი, მხოლოდ მაშინ მიშვებდა გასახურებლად, როცა მსაჯის მიერ დამატებული დრო მიმდინარეობდა. მისი აზრით ასეთი მიდგომით მოედანზე საუკეთესო თვისებებს გამოვავლენდი, თუმცა იმ მომენტში მისი მიდგომა არ მომწონდა. შემდეგ შევხვდი და ვისაუბრეთ. მას სურდა, რომ ფორმა აღმედგინა და ასეც მოხდა. ''ინტერში'' ყოფნისას ყველაფერი მოვიგეთ.''

ეტოო როგორც გუარდიოლასთან, ასევე მოურინიოსთან მუშაობისას ჩემპიონთა ლიგის გამარჯვებული გახდა, თუმცა მისი ფავორიტი მწვრთნელი ლუსი არაგონესია, რომელიც ''მალიორკაში'' წვრთნიდა.

გაზიარება:

მსგავსი სიახლეები