Aa Aa
7 ოქტომბერი 2019  |  12:46

კურიოზი! ნილ რობერტსონი შეცდომით "სხვა" ბარნსლიში წავიდა

სნუკერის მოთამაშე, ნილ რობერტსონი ტურნირს უცნაური მიზეზის გამო გამოეთიშა. ყოფილ მსოფლიო ჩემპიონს წესითა და რიგით თავისი მატჩი იან ბერნსის წინააღმდეგ იორკშაირში მდებარე ქალაქ ბარნსლიში უნდა ჩაეტარებინა. თუმცა შეცდომით გლოუჩესტერშაირში მდებარე სოფელ ბარნსლისკენ გაემართა.

სოფელ ბარნსლიში სულ რაღაც 209 ადამიანი ცხოვრობს. სამხრეთ იორკშაირში მდებარე ქალაქის მოსახლეობა კი 91297 ადამიანია.

მაშინ, როცა მსოფლიო რეიტინგის მეოთხე ნომერმა თავისი შეცდომა გაანალიზა, უკვე გვიანი იყო და ტურნირზე დროულად გამოცხადების შანსი აღარ ჰქონდა. ამიტომ მატჩის მთავარი არბიტრი იძულებული გახდა გამარჯვებულად იან ბარნსი გამოეცხადებინა.

მოგვიანებით რობერტსონს ჰკითხეს თუ როგორ მოუვიდა ასეთი შეცდომა, რაზეც ნილმა განაცხადა: „ტურნირებზე ყოველთვის ჩემს მეგობარს მივყავარ, მაგრამ ამჯერად იგი ეგოისტივით მოიქცა და Challenge Tour-ის ღონისძიებაში გადაწყვიტა მონაწილეობის მიღება“.

აქვე დავძენთ, რომ ეს პირველი შემთხვევა არაა, როცა რობერტსონი მატჩებზე აგვიანებს. თუმცა აღსანიშნავია, რომ აქამდე მისი ბრალი არაფერი გახლდათ.

გაზიარება:

მსგავსი სიახლეები