საქართველოს ჩოგბურთელთა ნაკრები ესტონეთის ნაკრებს დაუპირისპირდება
ჩოგბურთის საერთაშორისო ფედერაციის შტაბ ბინაში 2020 წლის დევისის თასის წილისყრა გაიმართა.
კენჭისყრის თანახმად, 2020 წლის 6-7 მარტს საქართველოს ეროვნული ნაკრები ესტონეთის ეროვნულ ნაკრებს დაუპირისპირდება.
შეხვედრები თბილისში გაიმართება. უახლოეს პერიოდში ქართული მხარე გადაწყვეტს, თუ რომელ საფარზე გაიმართება მატჩები.
მანამდე კი 2020 წლის 3-12 იანვარს ავსტრალიაში ახალი საჩოგბურთო გათამაშება - ATP Cup გაიმართება, რომელშიც მონაწილეობას საქართველოს ნაკრებიც მიიღებს.
ჯგუფური ეტაპზე ქართველების მეტოქეები იაპონიისა და ესპანეთის ნაკრებები იქნებიან.