მსოფლიო ჩემპიონატი - მესამე დღე სენსაციების გარეშე
Aa
Aa

მსოფლიო ჩემპიონატი - მესამე დღე სენსაციების გარეშე

მსოფლიო ჩემპიონატის მეორე ტურის ყველაზე საინტერესო მატჩი მასპინძელ, ჩინეთის ნაკრებსა და პოლონეთს შორის გაიმართა. შეხვედრის ძირითადი დრო გამარჯვებულის გამოსავლენად საკმარისი არ აღმოჩნდა და ტურნირზე პირველი ოვერტაიმი ვიხილეთ. დამატებითი ხუთწუთეული უკეთ პოლონელებმა ჩაატარეს და 3 ქულით 79-76 იმარჯვეს.

როგორც მოსალოდნელი იყო სერბეთმა ფილიპინების ეროვნული გუნდი მიწასთან გაასწორა. ნიკოლა იოკიჩმა და კომპანიამ მეტოქეს შანსი არ დაუტოვეს და 126-67 გაანადგურეს.

სერბთა მხრიდან 20 ქულით საუკეთესო ნემანია ბიელიცა იყო. ბოგდან ბოგდანოვიჩმა 17 ქულა გაიფორმა. მიროსლავ რადულიცა 13 ქულას დასჯერდა. მარკო გუდურიჩმა კი აქტივში 12 ქულა ჩაიწერა.

სერბეთის მსგავსად ესპანეთმაც მოიგო. "ფურია როხას" ცოტა გაუჭირდა, მაგრამ პუერტო რიკო მაინც დამაჯერებლად, 73-63 დაამარცხა.

ესპანეთს 19 ქულით მარკ გასოლმა ულიდერა. რიკი რუბიომ აქტივში 17 ქულა ჩაიწერა, ხოლო სერხიო ლულმა თავი 9 ქულით დაგვამახსოვრა.

სხვა მატჩების შედეგები

იტალია - ანგოლა 92 - 61

ვენესუელა - კოდ-დივუარი 87 - 71

ნიგერია - არგენტინა 81 - 94

ტუნისი - ირანი 79 - 67

სამხრეთ კორეა - რუსეთი 73 - 87

მსგავსი სიახლეები

ცხელი ამბები