მომენტი, როცა VAR-ის ჟესტს იყენებ და პენალტს ნიშნავ, მაგრამ VAR არ გაქვს!
ბოლივიის ჩემპიონატში საკმაოდ უცნაური ფაქტი დაფიქსირდა. "ოლვის რედისა" და "ბოლივარს" შორის გამართული მატჩის ბოლო წამებზე მსაჯმა სტუმართა კარის მიმართულებით თერთმეტმეტრიანი VAR-ის ჟესტის გამოყენების შემდეგ დანიშნა. პრობლემა ისაა, რომ ბოლივიის ჩემპიონატში ვიდეორეფერი ჯერ კიდევ არაა შემოღებული.
95-ე წუთზე მასპინძლებმა ჯარიმა შეასრულეს და ჩაწოდების შემდეგ წესების დარღვევაზე აპელირებდნენ. რაულ ოროსკომ გვერდითა ხაზთან მიირბინა და კოლეგასთან კონსულტაცია გაიარა. შემდეგ მან VAR-ის ჟესტი გამოიყენა, ხელი ყურთან მიიტანა, თითქოს ინსტრუქციები მიიღო და თერთმეტმეტრიანი დანიშნა.
Bochornoso lo que pasó con Raúl Orosco en el partido entre Always Ready y Bolívar. Su asistente le advirtió que vio un penal; acto seguido, entra el árbitro haciendo la seña del VAR y pita la falta. Ferreira estrella su disparo en el poste. pic.twitter.com/LyoJCyVncZ
— Jorge Garrett (@garrett_bol) August 3, 2019
არბიტრის გადაწყვეტილებამ არეულობა გამოიწვია. სტუმართა გუნდის თავკაცი მსაჯის მიერ გამოყენებულ VAR-ის ჟესტს აპროტესტებდა, თუმცა ყველაფერი უშედეგო გამოდგა და "ოლვის რედის" მოთამაშეებმა პენალტის დარტყმის უფლება მაინც მიიღეს.
მასპინძლებმა თერთმეტმეტრიანი 107-ე წუთზე შეასრულეს, მაგრამ ბურთი ძელს მოხვდა და შეხვედრა "ბოლივარის" გამარჯვებით დასრულდა.
