არის ისტორიული ფინალი! ნიკოლოზ ბასილაშვილი ხუან მარტინ დელ პოტროს დაუპირისპირდება!
ნკოლოზ ბასილაშვილი ბეიჯინგში მიმდინარე პეკინის 500-იანი ტურნირის ფინალში ითამაშებს!
ქართველმა ჩოგბურთელმა მსოფლიოს მე-16 ჩოგანს ბრიტანელ კაილ ედმუნდს ორ სეტში 7:6, 6:4 სძლია.
პირველ სეტში ბასილაშვილმა და ედმუნდმა საწყის ჩაწოდებებში ბრეიკები გაცვალეს, რის შემდეგაც თამაში საკმაოდ დაძაბულად წარიმართა და ტაიბრეიკამდე გაგრძელდა, სადაც ნიკამ 1:4-დან "დააქამბექა" და პირველი სეტი მოიგო.
ერთ საათიანი პირველი სეტის შემდეგ ნიკამ მეორე ძალიან დამაჯერებლად დაიწყო და ბრეიკის შემდეგ 3:0-ზე დაწინაურდა.
Big-hitting Basilashvili to face Delpo in @ChinaOpen final in Beijing
— ATP World Tour (@ATPWorldTour) October 6, 2018
Read ➡️https://t.co/7qKCTRqxca #ATP pic.twitter.com/Vy3YHTtWBP
მიუხედავად იმისა, რომ ედმუნდმა ნიკას ჩაწოდების მოგება მოახერხა, ბასილაშვილმა შეხვედრის მოგება ზედმეტი კითხვის ნიშნების გარეშე შეძლო.
ამრიგად, ქართველი ჩოგბურთელი უკვე მსოფლიოს 28-ე ჩოგანია და გამარჯვების შემთხვევაში 22-ე გახდება.
ფინალი კვირას თბილისის დროით 15:30 საათზე შედგება და ნიკოლოზ ბასილაშვილის მეტოქე მსოფლიოს მე-4 ჩოგანი არგენტინელი ხუან მანუელ დელ პოტრო იქნება!
