დაბრუნებაც ასეთი უნდა! ქვილითაიამ შეცვლაზე შესვლიდან 1 წუთში გამარჯვების გოლი გაიტანა!
ბელგიის ჩემპიონატის მე-5 ტურში გიორგი ჩაკვეტაძისა და გიორგი ქვილითაიას "გენტმა" საკუთარ კედლებში "ლოკერენს" უმასპინძლა და 2:1 გაიმარჯვა.
ჩაკვეტაძემ შეხვედრა სასტარტოში დაიწყო და ის 86-ე წუთზე ქვილითაიამ შეცვალა, რომლისთვისაც ეს სადებიუტო მატჩი იყო.
24 წლის ქართველ ფორვარდს თავისი პირველი გოლის გასატანად ერთი წუთიც არ დასჭირვებია. 87-ე წუთზე ქვილითაიამ გამარჯვების გოლი გაიტანა და "გენტს" 3 ქულა მოაპოვებინა.
GOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOAAAAAAAAAAAAAAAAALLLLLLLLLLL!!!!!!! pic.twitter.com/uDrdBOmNL4
— KAA Gent (@KAAGent) August 26, 2018
ამ გამარჯვების შემდეგ "გენტი" 10 ქულით მე-6 პოზიციაზე იმყოფება.
შეგახსენებთ, რომ გიორგი ქვილითაია ბელგიურ კლუბს წელს შეუერთდა და ტრავმის შემდეგ მოედანს პირველად დღეს დაუბრუნდა.
