არაბიძის პორტუგალიური არჩევანი - ქართველი ტალანტი მადეირაზე

პორტუგალიის ელიტარულ საფეხბურთო ჩემპიონატში კიდევ ერთი ქართველი ფეხბურთელი ითამაშებს. დონეცკის ''შახტარიდან'' წასვლის შემდეგ 20 წლის გიორგი არაბიძე ''ნასიონალში'' ჩაირიცხა, რომელმაც ელიტაში თამაშის უფლება გასულ სეზონში მოიპოვა.

გიორგი არაბიძე თბილისის ''ლოკომოტივისა'' და დონეცკის ''შახტარის'' ყოფილი ფეხბურთელია. ბოლო პერიოდში საქართველოს ახალგაზრდულ ნაკრებში ასპარეზობს, თუმცა მას ვლადიმირ ვაისი ეროვნულ გუნდში ხშირად იწვევდა.

Giorgi Arabidze assina por quatro temporadas https://t.co/TJ7FrOIbN8 pic.twitter.com/0ulGH8hVtZ

— C.D. Nacional (@CDNacional) July 3, 2018

შეგახსენებთ, ''რიუ ავეში'' გიორგი მაკარიძე ასპარეზობს, ''შავეშის'' ღირსებას ავთო ებრალიძე იცავს, ''ნასიონალში'' კი არაბიძე ითამაშებს.

2018 წლის ''ოქროს ბიჭის'' ტიტულის მოპოვების 100 ნომინანტი დასახელდა. მათ შორისაა საქართველოს ახალგაზრდული ნაკრების 20 წლის წევრი გიორგი არაბიძე, რომელმაც გასული სეზონი დონეცკის ''შახტარის'' 19 წლამდე გუნდში გაატარა.

100 ახალგაზრდა ფეხბურთელს შორის არაბიძის გარდა ალექსანდრ არნოლდი (''ლივერპულისა'' და ინგლისის ეროვნული ნაკრების მცველი), ჯასტინ კლუივერტი (''რომასა'' და ჰოლანდიის ეროვნული ნაკრების შემტევი) და ფილ ფოდენი (''მანჩესტერ სიტის'' მცველი) მოხვდნენ.