ობლაკის აგენტი პარიზშია
პორტუგალიური გამოცემა A Bola-ს ცნობით, იან ობლაკის აგენტი პარიზში იმყოფება და „პსჟ“-ს ხელმძღვანელებთან შესახვედრად ემზადება.
ფრანგები ობლაკის შეძენით დიდი ხანია ინტერესდებიან და როგორც ირკვევა, მზად არიან, რომ მის ტრანსფერში 60-70 მილიონი ევრო გადაიხადონ.
ობლაკის აგენტისა და პარიზელთა წარმომადგენლების შეხვედრა უახლოეს დღეებშია დაგეგმილი, რის შემდეგაც ამ პოტენციური ტრანსფერის შესახებ უფრო მეტი გვეცოდინება.
