საგოლე პასი და ბრწყინავლე გოლი | ეგოიანი მაგარ ფორმაშია

ნიდერლანდების ჩემპიონატის მე-5 ტურში ვილემი შინ როტერდამის ექსელსიორთან 0:3 დამარცხდა. ამ გამარჯვების შემდეგ როტერდამული გუნდი მე-4 ადგილზეა, ოთხ ტურში 9 ქულა დააგროვა, ლიდერ პსვ-ს 4 ქულით ჩამორჩება, ერთი მატჩი გამოტოვებული აქვს და მოგების შემთხვევაში ლიდერთან სხვაობა ერთ ქულამდე შემცირდება.

მე-8 წუთზე ექსელსიორის ქართველი შემტევის, ირაკლი ეგოიანის საგოლე პასით დავიდ გარდენმა ვილემთან ანგარიში გახსნა.

ეგოიანის საგოლე პასი

ვილემთან გასვლითი მატჩის 34-ე წუთზე რიკ მეისენმა ანგარიში ორამდე გაზარდა.

85-ე წუთზე ეგოიანმა ბრწყინვალე გოლი გაიტანა, სწრაფი კონტრშეტევა განავითარა და მეკარეს ახლო მაღალ კუთხეში შეუგდო. ამ გოლით ანგარიში 0:3 გახდა.

ეგოიანის გოლი

 

22 წლის ეგოიანმა მიმდინარე სეზონში ერედივიზიეს ოთხ მატჩში 5 საგოლე მოქმედება დააგროა, 2 გოლი გაიტანა (პირველ ტურში კამბურთან და დღეს ვილემთან) და 3 საგოლე პასი ჩაიწერა აქტივში (კამბურთან, პსვ-სთან და ვილემთან).

ნიდერლანდების ჩემპიონატში ექსლსიორი მომდევნო მატჩს სტუმრად ნაიმეგენთან გამართავს (8 სექტემბერი).