მუსიალა: “ეს ყველაფერი ნევროლოგიური დისფუნქციით არის გამოწვეული“

როგორც მოგეხსენებათ, ჯამალ მუსიალამ ლაიფციგთან მატჩის დროს გონება დაკარგა და მოედანზე დაეცა. იგივე განმეორდა ჰაიდენჰაიმთან დაპირისპირების დროს.

ამ საკითხთან დაკავშირებით, თავად გერმანელმა ვარსკვლავმა სოციალურ ქსელში განცხადება გაავრცელა.

რას წერს მუსიალა?

„უპირველეს ყოვლისა, თავს კარგად ვგრძნობ!“

„განსაკუთრებით მადლიერი ვარ თქვენი შეტყობინებებისა და მხარდაჭერისთვის! მესმის, რომ ბევრი თქვენგანი შეშფოთებულია. დღეს მინდა, ეს შიში შეგიმსუბუქოთ და გარკვეული განმარტება გავაკეთო.

დამიდგინდა დროებითი, ხანმოკლე, თუმცა მარტივად სამართავი აბსენსური გულყრები, რომლებიც ნევროლოგიური დისფუნქციით არის გამოწვეული. სწორედ ამან შეიძლება გამოიწვიოს ბოლო პერიოდში მომხდარი ეპიზოდები, მათ შორის „ლაიფციგთან“ და ახლა უკვე „ჰაიდენჰაიმთან“ მატჩებში.

ვიცი, რომ ერთი შეხედვით ეს ყველაფერი საშიშად გამოიყურება, მაგრამ ჩემთვის ამ ეტაპზე ეს უბრალოდ ყოველდღიური ცხოვრების ნაწილია. ვიღებ შესანიშნავ სამედიცინო მკურნალობას და ძალიან ოპტიმისტურად ვარ განწყობილი. „ბაიერნი“, ჩემი ოჯახი და მეგობრები ყოველთვის ჩემს გვერდით არიან და ამ გზაზე მხარს მიჭერენ.

მნიშვნელოვანია, რომ ჯანმრთელობისთვის დამატებითი რისკები არ არსებობს. სპეციალისტებთან მჭიდრო კონსულტაციისა და მუდმივი კომუნიკაციის საფუძველზე, ჩემი პირადი სურვილი იყო, ამ გამოწვევისთვის პირადად შემეხედა და ნევროლოგებისგან მიღებული ნებართვის შემდეგ, ყურადღება კვლავ იმაზე გამემახვილებინა, რაც გამოჯანმრთელებაში ყველაზე მეტად მეხმარება — უბრალოდ ყოველდღიური ცხოვრების გაგრძელებასა და ფეხბურთის თამაშზე, რომელიც ძალიან მიყვარს. ამ გადაწყვეტილებაზე პასუხისმგებლობა საკუთარ თავზე ავიღე.

საერთო ჯამში, ძალიან კარგი განცდა მაქვს და ვფიქრობ, სწორ გზაზე ვდგავარ. ამ გზაზე ყველაზე მეტად ის მეხმარება, რომ ჩემს გუნდთან ერთად გამარჯვებებისა და ტიტულების მოპოვებისთვის ბრძოლა გავაგრძელო და თქვენი საოცარი მხარდაჭერა ვიგრძნო.

იმედი მაქვს, ახლა უკეთ გამიგებთ. ამავდროულად, გთხოვთ, გაითვალისწინოთ ჩემი სურვილი, რომ ამ საკითხზე საუბარი ჩემს უახლოეს გარემოცვას, კლუბსა და სპეციალისტებს შორის დარჩეს.

დიდი მადლობა ყველას!“