ოფიციალურად - ჟორჟე ჟეზუსმა პორტუგალია ჩაიბარა
პორტუგალიას ახალი მთავარი მწვრთნელი ჰყავს - რობერტო მარტინესის წასვლის შემდეგ ნაკრების თავკაცის თანამდებობა 71 წლის ჟორჟე ჟეზუსმა გადაიბარა, კონტრაქტი კი 2030 წლამდეა გათვლილი. ინფორმაცია ამის შესახებ პორტუგალიის ფეხბურთის ფედერაციამ დაადასტურა.
ჟეზუსს 40-წლიანი კარიერის განმავლობაში არაერთ პორტუგალიურ კლუბში უმუშავია, თუმცა ეროვნული ნაკრები არასოდეს გაუწვრთნია. 2023 წლიდან ის საუდის არაბეთში მუშაობდა, სადაც ჯერ „ალ-ჰილალთან“, შემდეგ კი „ალ-ნასრთან“ ერთად ქვეყნის ჩემპიონის ტიტული მოიგო. ბოლო კლუბში მისი ხელმძღვანელობით კრიშტიანუ რონალდუ და ჟოაო ფელიქსი თამაშობდნენ.
Começa hoje um novo caminho. Bem-vindo à Seleção Nacional, Mister Jorge Jesus. ???????? #ViemosParaVencer pic.twitter.com/B9Re2bCuAa
— Portugal (@selecaoportugal) July 10, 2026
ჟეზუსს „ფლამენგოში“ მუშაობისას მოგებული აქვს ლიბერტადორესის თასი და ბრაზილიის ჩემპიონატი, ბრაგაში - ინტერტოტოს თასი, ხოლო ბენფიკაში პორტუგალიის ჩემპიონატი (სამჯერ).
რაც შეეხება მის წინარმორბედს, რობერტო მარტინესს, ის პორტუგალიის ნაკრების მთავარ მწვრთნელად 2023 წლიდან მუშაობდა 2024-2025 წლების ერთა ლიგა მოიგო. თანამდებობა მან მსოფლიო ჩემპიონატზე დაფიქსირებული წარუმატებელი შედეგების გამო დატოვა.
კომენტარები
იყავით პირველი, ვინც დაწერს კომენტარს