„ჩემთვის ეს რაღაც დაუჯერებელი იყო“ - ვოზინია მესისთან საუბარზე

კაბო-ვერდეს ნაკრების მეკარემ, ვოზინიამ, 2026 წლის მსოფლიო ჩემპიონატის 1/16-ფინალში არგენტინასთან მატჩის (2:3) შემდეგ ლიონელ მესისთან საუბრის დეტალები გაიხსენა.

„თამაშის შემდეგ მესისთან მივედი. ის ჩამეხუტა და მითხრა: „მაგარი ხარ. შენი ხალხი შენით უნდა ამაყობდეს“. ჩემთვის ეს რაღაც დაუჯერებელი იყო.

ლეო მესისნაირი ადამიანისგან ასეთი სიტყვების მოსმენა ჩემთვის ძალიან ბევრს ნიშნავს. მადლობა გადავუხადე და ვუთხარი: „მადლობა, ლეო, შენ საუკეთესო ხარ“.

შემდეგ ვკითხე, შეგვეძლო თუ არა მაისურების გაცვლა. ლეომ მიპასუხა, რომ თავის მაისურს ინტერვიუების შემდეგ გვირაბში მომცემდა.

ასეთი მომენტები გულში სამუდამოდ რჩება“,

– განაცხადა ვოზინიამ.

40 წლის ვოზინიამ კაბო-ვერდესთან ერთად ისტორია დაწერა და მუნდიალის 1/16-ფინალში თამაში შეძლო. აფრიკელებმა მოქმედ მსოფლიო ჩემპიონებს ბევრი პრობლემა შეუქმნეს და ამ მატჩის შემდეგ, შესაძლოა ლიონელ სკალონის შემადგენლობაში ცვლილებების შეტანაც მოუხდეს.