„სელესაო“ წაგებას გადაურჩა - ბრაზილიამ და მაროკომ ქულები გაიყვეს

მსოფლიო ჩემპიონატზე, C ჯგუფის პირველი შეხვედრა გაიმართა. ნიუ ჯერსიში, MetLife Stadium-ზე ბრაზილიის ნაკრები მაროკოს ეროვნულ გუნდს დაუპირისპირდა და ფრედ, 1:1 ითამაშა.

ანგარიში 21-ე წუთზე მაროკომ საიბარის გოლით გახსნა, 32-ე წუთზე კი ვინისიუს ჟუნიორმა წონასწორობა აღადგინა, რაც საბოლოო გოლიც აღმოჩნდა. დარჩენილ დროში გუნდებს გოლის გატანის რამდენიმე მცდელობა ჰქონდათ, თუმცა ანგარიში აღარ შეცვლილა.

C ჯგუფის მეორე შეხვედრა ჰაიტისა და შოტლანდიის ნაკრებებს შორის 05:00 საათზე დაიწყება, ბრაზილია კი მომდევნო ტურში ჰაიტის, მაროკო კი შოტლანდიის ნაკრებს დაუპირისპირდება. ორივე მატჩი 20 ივნისს გაიმართება.