გულიტი: ყველა, ვინც პეპის იდეები მოიპარა, ახლა წარმატებულია

ლეგენდარულმა ნიდერლანდელმა ფეხბურთელმა რუდ გულიტმა აღნიშნა, რომ მიკელ არტეტამ პეპ გუარდიოლას ყველა იდეა მოჰპარა.

„პეპს საკადრისი პატივი უნდა მივაგოთ. მან სრულიად ახალი გუნდი შექმნა, მას ჰქონდა აღმავლობები და ვარდნები, მაგრამ ის მაინც იბრძოდა ტიტულისთვის. ის იქვეა.

ფანტასტიკური მწვრთნელია. და ყველაზე სასაცილო ის არის, რომ ყველა, ვინც პეპის იდეები მოიპარა, ახლა წარმატებას აღწევს. მიკელ არტეტამ მას სიტყვასიტყვით ყველაფერი მოჰპარა. სწორედ პეპმა დანერგა საკუთარი კარიდან თამაშის გათამაშების ეს ფილოსოფია - და სწორედ ასე მოიგო ყველაფერი. მაგრამ შემდეგ ადამიანები ცდილობენ ამის კოპირებას ისეთი ფეხბურთელებით, რომლებმაც ასე თამაში არ იციან. რამდენი მცველი იყიდა პეპმა სპეციალურად იმისთვის, რომ სწორედ ამგვარად ეთამაშა? ძალიან ბევრი. ამიტომ, თუ ასეთი მოთამაშეები არ გყავს, ეს არ უნდა გააკეთო.

ყოველ ჯერზე, როცა მესმის, რომ კლუბები აცხადებენ, თითქოს ეს „მათი ფილოსოფიაა“, - არა, ეს პეპის ფილოსოფიაა. და ყოველ ჯერზე, როცა ვხედავ, როგორ ცდილობენ გუნდები ბურთის გათამაშებას საკუთარი კარიდან სეზონის უმნიშვნელოვანეს მომენტებში, ისინი ამის გამო ქულებს კარგავენ“,

- განაცხადა „აიაქსის”, „მილანისა” და „ჩელსის“ ყოფილმა ნახევარმცველმა MrRaffle.com-თან ინტერვიუში.