„კიტეიშვილის ტრავმა დაგვავიწყა“ - ავსტრიული მედია მამაგეიშვილს აქებს

ავსტრიული მედია გრაცის „შტურმში“ გიზი მამაგეიშვილის სასტარტო შემადგენლობაში გამოჩენას ეხმაურება და ქართველ ფეხბურთელს აქებს. გამოცემა derstandard-ი წერს, რომ მამაგეიშვილმა გულშემატკივრებს ოთარ კიტეიშვილის ტრავმა დაავიწყა.

რა წერია სტატიაში:

„გრაცელთა რიგებში, სხვა მოთამაშეებთან ერთად, ტრავმირებული კრეატიული ნახევარმცველი, ოთარ კიტეიშვილი აკლდათ. სამაგიეროდ, „შტურმის“ სასტარტო შემადგენლობაში ბუნდესლიგაში პირველად გამოჩნდა მისი თანამემამულე გიზო მამაგეიშვილი, რომელმაც ყურადღება პირველივე წუთებიდან მიიპყრო. ქართველმა ნახევარმცველმა მე-4 წუთზე ეფექტური დარტყმით ბურთი ხარიხას გაარტყა, შემდეგ კი პენალტი მოიპოვა, რითაც „შტურმმა“ გაიმარჯვა.“

გიზი მამაგეიშვილისთვის ეს „შტურმის“ შემადგენლობაში მეორე ოფიციალური მატჩი იყო. 23 წლის ფეხბურთელმა პირველად 8 თებერვალს, „რიედის“ წინააღმდეგ 15 წუთით ითამაშა, დღეს კი სასტარტო შემადგენლობაშიც მოგვევლინა.