ტრავმის გამო, ოლმო წლის ბოლომდე ვერ ითამაშებს
დანი ოლმო გუნდს წლის ბოლომდე ვერ დაეხმარება.
„ბარსელონას“ ნახევარმცველმა ტრავმა გუშინ, „ატლეტიკოს“ წინააღმდეგ მატჩში (3:1) მიიღო, როდესაც 65-ე წუთზე გატანილი გოლის შემდეგ, დაეცა.
ესპანელმა თამაშის გაგრძელება ვერ შეძლო, მის ნაცვლად კი მოედანზე ფერან ტორესი გავიდა.
როგორც AS-ი და სხვა ესპანური მედიასაშუალებები იტყობინებიან, ოლმოს მხრის ამოვარდნა აქვს – მოსალოდნელია, რომ „ბარსელონას“ ნახევარმცველი მინიმუმ ოთხ კვირას გამოტოვებს. ამრიგად, ის 2025 წლის ბოლომდე ვერ ითამაშებს.
შეგახსენებთ, რომ 27 წლის ესპანელმა მიმდინარე სეზონში 17 მატჩი ჩაატარა, 4 გოლი გაიტანა და 2 ასისტი მიითვალა.
