მინიმუმ 5-ჯერ ზედიზედ ორი წელი - მესის მორიგი რეკორდი

ასაკის მატებასთან ერთად, ლიონელ მესისთვის თითოეული მატჩი დასამახსოვრებელია, რადგან ლეგენდარული არგენტინელი ფეხბურთელი კვლავაც უმაღლეს დონეზე თამაშობს და სხვადასხვა რეკორდებს ამყარებს. ასე მოხდა ამჯერადაც, როდესაც „ინტერ მაიამიმ“ MLS-ის მორიგ ტურში „ნიუ-იორკ რედ ბულსი“ (1:5) სტუმრად დიდი ანგარიშით დაამარცხა, ხოლო „ელ მონგოლიკომ“ დუბლის შესრულებასთან ერთად, აქტივში საგოლე პასი ჩაიწერა.

წარმატებული ასპარეზობა მესის სათანადოდ დაუფასეს და ტურის საუკეთესო მოთამაშედ აღიარეს - ეს ტიტული მან მიმდინარე სეზონში მეექვსედ მიიღო და გახდა პირველი მოთამაშე ამერიკის უმაღლესი ლიგის ისტორიაში, რომელსაც ტურის MVP-ის პრიზი არასრულ ორ წელიწადში თერთმეტჯერ გადასცეს. აქამდე 10-10 პრიზით ამ მხრივ საუკეთესოები ჯეისონ კრეისი და კარლოს ველა იყვნენ.

ცნობისათვის, ლიონელ მესიმ მიმდინარე სეზონში MLS-ში გამართული 21 ტურიდან მონაწილეობა თვრამეტში მიიღო და მის ანგარიშზე უკვე 18 გოლი და 10 საგოლე პასია.