ორმაგი დუბლი და MVP - შერმადინის სუპერ მატჩი ლიგა ენდესაში
ესპანეთის საკალათბურთო ჩემპიონატის მორიგ ტურში ლენოვო „ტენერიფე“ „მორაბანკ ანდორას“ ესტუმრა. აღნიშნული მატჩი გიორგი შერმადინის ბენეფისად იქცა, რომელიც შეხვედრის MVP გახდა. სტუმრებმა კი 79:66 გაიმარჯვეს.
ქართველი კალათბურთელი ძირითად შემადგენლობაში მოგვევლინა და პარკეტზე 28 წუთი გაატარა. ამ პერიოდის განმავლობაში, ვეტერანმა ცენტრმა 23 ქულა, 10 მოხსნა და 1 შედეგიანი გადაცემა მიითვალა.
შერმადინმა თერთმეტი 2-ქულიანი ისროლა და აქედან ზუსტი 9 აღმოჩნდა. გიორგიმ 5 საჯარიმო ტყორცნიდან ხუთივე გამოიყენა.
10 მოხსნიდან 7 საკუთარ ფარზე იყო, სამი კი მეტოქის. აღსანიშნავია, რომ შერმადინმა მატჩში მხოლოდ ერთი პერსონალური ფოლი მიიღო.
ცნობისთვის, ამ გამარჯვების შემდეგ, „ტენერიფე“ სატურნირო ცხრილში 30 ქულით მე-6 ადგილზე იმყოფება. შემდეგ ტურში, ვიდორეტას გუნდი „გრან კანარიას“ უმასპინძლებს.
???? El #LenovoTenerife se aferra a la zona noble, tras un sólido triunfo en Andorra ‼️
— Lenovo Tenerife (@CB1939Canarias) March 16, 2024
???? ¡Decimoquinta alegría liguera del curso!
???????? #VamosCanarias #LenovoTenerife pic.twitter.com/w2t222YX8F