შენგელიას 10 ქულა | ვირტუს ბოლონია ევროლიგის ფავორიტთან დამარცხდა
თორნიკე შენგელიას „ვირტუს ბოლონია“ ევროლიგის ფარგლებში, ზედიზედ მეორე დამარცხდა. ქართველი კალათბურთელის გუნდი საკუთარ კედლებში სატურნირო ცხრილის ლიდერს, „რეალს“ დაუპირისპირდა და მეტოქის წინააღმდეგ ვერაფერი გააწყო.
„სამეფო კლუბმა“ პირველი მეოთხედი 8 ქულით მოიგო, დიდ შესვენებაზე კი 13-ქულიან უპირატესობას ფლობდა. „ვირტუს ბოლონიამ“ ბოლომდე იბრძოლა და მეოთხე მეოთხედში ჩამორჩენა 5 ქულამდე დაიყვანა, თუმცა, ეს მისი მაქსიმუმი აღმოჩნდა და „რეალმა“ 89:74 მოიგო.
SCONFITTA ❌
— Virtus Segafredo Bologna (@VirtusSegafredo) March 15, 2024
La Segafredo arriva anche a -5 nel finale ma il Real ne ha di più
???? Cordinier 12, Lundberg 11, Mickey 11, Shengelia 10, Belinelli 9, Zizic 8, Dobric 5, Pajola 4, Dunston 4#AmarsiAncora pic.twitter.com/QodmjMqHxp
შენგელიამ მატჩი ძირითად შემადგენლობაში დაიწყო და პარკეტზე 23 წუთი და 38 წამი გაატარა. ამ დროში, ქართველი კალათბურთელის ანგარიშზე 10 ქულა, 4 მოხსნა (2 შეტევაში), 1 შედეგიანი გადაცემა და 2 ჩაჭრა იყო. შენგელიამ 9-დან 5 ორქულიანი ჩააგდო და 3 სამიანი გააფუჭა.
ცნობისთვის, „ვირტუს ბოლონიას“ 17 მოგება და 12 წაგება აქვს და სატურნირო ცხრილის მე-7 პოზიციას იკავებს. იტალიელები მომდევნო შეხვედრას 17 მარტს გამართავენ და „პეზაროს“ დაუპირისპირდებიან.
