შერმადინის 14 ქულა - ტენერიფეს დამაჯერებელი გამარჯვება ჩემპიონთა ლიგაზე
საკალათბურთო ჩემპიონთა ლიგის ჯგუფურ ეტაპზე ლენოვო „ტენერიფემ“ „პინარ კარშიაქას“ უმასპინძლა და 88:79 დაამარცხა.
გიორგი შერმადინმა მატჩი სათადარიგოთა სკამიდან დაიწყო და ჯამში პარკეტზე 17 წუთი და 2 წამი დაყო.
ამ პერიოდის განმავლობაში, ქართველმა კალათბურთელმა 14 ქულა და 5 მოხსნა მიითვალა. ვეტერანმა ცენტრმა 5-ჯერ ისროლა 2-ქულიანი და ზუსტი 4 აღმოჩნდა. შერმადინმა 7 საჯარიმო ტყორცნა განახორციელა და აქედან 6 ჩააგდო.
გიორგიმ 5 მოხსნიდან 3 საკუთარ ფარზე შეასრულა, ხოლო ორი მეტოქის. ასევე გეტყვით, რომ ქართველმა 4 პერსონალური ფოლი მიიღო.
ცნობისთვის, ამ გამარჯვების შემდეგ, ვიდორეტას გუნდი 9 ქულით ჯგუფში პირველ ადგილზე იმყოფება და მეორე პოზიციაზე მყოფ „ჰაპოელს“ 1 ქულით უსწრებს. შემდეგ ტურში ესპანური კლუბი პერისტერის დაუპირისპირდება.
???? El #LenovoTenerife suma un trabajado triunfo ante el #PinarKarsiyaka y sella su pase a los 1/4 de final de la #BCL
— Lenovo Tenerife (@CB1939Canarias) March 13, 2024
¡¡¡ Vaaaaamos !!!
???????? #VamosCanarias #LenovoTenerife pic.twitter.com/6NjtQIlM6W
