ცნობილია, რა თანხას მიიღებს ნაპოლი ბარსელონას დამარცხების შემთხვევაში
წლევანდელ ჩემპიონთა ლიგაში გარდა სპორტული მიზნებისა, თითოეულ კლუბს უდიდესი ფინანსური მოტივაცია ამოძრავებს. ცნობილია, რომ მეოთხედფინალში გასული გუნდები ავტომატურად მსოფლიოს საკლუბო ჩემპიონატის საგზურს მიიღებენ, რომელიც 2025 წლიდან ახალი ფორმატით ჩატარდება და ყველა მონაწილე 100 მილიონს მიიღებს.
სწორედ ამის გამო, „ნაპოლის“ პრეზიდენტი აურელიო დე ლაურენტისი ფეხბურთელებს ხვალ „ბარსელონას“ დამარცხების შემთხვევაში სოლიდურ პრემიებს დაპირდა. მსოფლიოს საკლუბო ჩემპიონატის საპრიზო ფონდის გარდა, სათქმელია შემოსავალი უეფადან, რომელიც დაახლოებით 15 მილიონ ევროს გაუტოლდება.
„ნაპოლი“ და „ბარსელონა“ ევროტურნირებზე ჩავი ერნანდესის მწვრთნელობის პერიოდში უკვე შეხვდნენ ერთმანეთს რამდენიმე წლის წინ და მაშინ კატალონიელებმა ევროპა ლიგის პლეი ოფში მეტოქეს აჯობეს.
