ერთის ნაცვლად ორი მბაპე რეალში - სამეფო კლუბი 17 წლის ეთანს იმატებს

მომდევნო ზაფხულს მადრიდის „რეალში“ კილიანთან ერთად, მისი უმცროსი ძმა ეთან მბაპეც გადავა.

გავრცელებული ინფორმაციით, ეს მადრიდული კლუბის მიმართ მბაპეების ოჯახის ერთ-ერთი მთავარი მოთხოვნაა.

17 წლის ეთანი ამპლუით მარცხენა ვინგერია, თუმცა საჭიროების შემთხვევაში ნახევარდაცვაში ნებისმიერ პოზიციაზე თამაში შეუძლია. „პარი სენ-ჟერმენში“ მისი დებიუტი 16 წლის ასაკში შედგა, ამჟამად კი სარეზერვო გუნდში ირიცხება.

ტრანსფერის განხორციელების შემთხვევაში უმცროსი-მბაპე „კასტილიაში“ ითამაშებს, თუმცა ძირითადად „რეალის“ მთავარ გუნდში კარლო ანჩელოტის ხელმძღვანელობით ივარჯიშებს.