რა შემთხვევაში დატოვებს ვალენსიას | Relevo მამარდაშვილის მომავალზე წერს
ცნობილმა ესპანურმა გამოცემამ, Relevo-მ „ვალენსიას“ ქართველი მეკარის, გიორგი მამარდაშვილის გარშემო შექმნილ ვითარებაზე დაწერა. „მამარდა“ ევროპული გრანდების რადარზე იმყოფება და ამას Relevo-ც ადასტურებს.
ესპანურ გამოცემას თუ დავუჯერებთ, მამარდაშვილის თამაშის სანახავად ვალენსიაში პრემიერ ლიგის კლუბების წარმომადგენლები ჩავიდნენ და „მესტალიაზე“ გამართულ შეხვედრებს დაესწრნენ. ისინი გიორგის დაკვირვებას განაგრძობენ და ზაფხულის სატრანსფერო ფანჯრის გახსნას ელოდებიან, რათა „ღამურებს“ დაუკავშირდნენ.
????Mamardashvili es más feliz que nunca en Valencia Varios clubes Premier han venido a verle. Él ya no tiene tan claro salir
— Nacho Sanchis (@sanchis14) February 20, 2024
????????Por si llegara ofertón VCF se ha movido por DIMITREVSKY quien HOY prioriza recalar en Mestalla gratis, a Betis y Villa @relevo https://t.co/9yDV5MBLMk
Relevo-ს ცნობით, მამარდაშვილი „ვალენსიაში“ ბედნიერია და „ჩეს“ იმ შემთხვევაში დატოვებს თუ მიიღებს წინადადებას კლუბისგან, რომლის რიგებშიც თამაში კარიერული წინსვლის ტოლფასი იქნება. „სხვა სიტყვებით რომ ვთქვათ, თუ გიორგი წავიდა, გადავა გუნდში, რომელსაც ღამურებზე დიდი სპორტული ამბიციები აქვს“, - წერს ესპანური გამოცემა.
Relevo-ს ინფორმაციით, „ვალენსია“ მოვლენების ყველანაირი განვითარებისთვის ემზადება და მამარდაშვილის შემცვლელს ეძებს. „მესტალიის“ ბინადრების სიაში პირველ ადგილს „რაიოს“ მეკარე, სტოლე დიმიტრიევსკი იკავებს. „ღამურები“ მას უკვე დაუკავშირდნენ და 30 წლის ფეხბურთელი „მესტალიაზე“ გადასვლის პერსპექტივით მოხიბლულია.
