მაკგრეგორის ღირსეული ჟესტი | დაეხმარა მებრძოლს, რომელმაც უმძიმესი ტრავმა მიიღო
MMA-ის მებრძოლმა, რაიან კურტისმა ვარჯიშის დროს სერიოზული ტრავმა მიიღო და კარიერის დასრულება მოუწია. კურტისმა კისერი მოიტეხა და ზურგის ტვინის უმძიმესი დაზიანება აქვს, რის გამოც სასწრაფო ოპერაცია ჩაუტარდა და ხანგრძლივი სარეაბილიტაციო პერიოდი უნდა გაიაროს, რომელიც სერიოზულ თანხებთანაა დაკავშირებული.
ქირურგიული ჩარევის შემდეგ, მის ოჯახს 100 000 გირვანქა სტერლინგი დასჭირდა და სახალხო დაფინანსების იმედად დარჩა. მათ ცნობილ ვებგვერდზე, Gofundme-ზე პოსტი გამოაქვეყნეს და მომხდარის შესახებ საზოგადოებას აუწყეს.
კურტისს ბევრი ადამიანი დაეხმარა და ერთ-ერთი მათგანი UFC-ის მებრძოლი, კონორ მაკგრეგორი გახლავთ. ირლანდიელმა მის ოჯახს 25 000 გირვანქა სტერლინგი გადაურიცხა და სოციალურ ქსელში პოსტი გამოაქვეყნა, რომლითაც მას მხარდაჭერა გამოუცხადა.
„თანადგომას ვუცხადებ და კარგად ყოფნას ვუსურვებ რაიან კურტისს. მან ვარჯიშისას მიიღო ტრავმა, რომელმაც მისი ცხოვრება რადიკალურად შეცვალა. მას ახალგაზრდა ქალიშვილი ჰყავს და მის ოჯახს ჩვენი მხარდაჭერა სჭირდება“, - დაწერა ირლანდიელმა სოციალურ ქსელში.
Sending my support and well wishes to Dublin MMA fighter Ryan Curtis after suffering life changing injury in practice. Here is a link to his go fund me , he has a young daughter and the family needs our support ????❤️ https://t.co/a57zcOqHkv pic.twitter.com/qTIhbekLc1
— Conor McGregor (@TheNotoriousMMA) January 14, 2024
ცნობისთვის, კურტისს კარიერაში 10 ბრძოლა აქვს გამართული და მის ანგარიშზე 6 მოგება და 4 წაგებაა. რაიანს 24 თებერვალს უნდა ეჩხუბა, მაგრამ ბრძოლა ნაცნობ მიზეზთან გამო ჩაიშალა.