სტივ კინი: ბურთის ფლობა გოლებად უნდა ვაქციოთ

ქუთაისის „ტორპედოს“ მთავარმა მწვრთნელმა სტივ კინმა „აქტობესთან“ განმეორებითი მატჩის წინ პრესასთან ისაუბრა.

„ძალიან სასიამოვნოა აქ, აქტობეში ყოფნა. მოუთმენლად ველით მომავალ საპასუხო მატჩს. ვიმედოვნებთ, რომ თამაში ჩვენთვის დადებითი შედეგით დასრულდება. არ შეიძლება ითქვას, რომ გუნდებს შორის დიდი სხვაობაა. ცხადია, პირველი მატჩის შედეგი მხოლოდ ართულებს ჩვენს ამოცანას, მაგრამ ქუთაისში წაგების შემდეგ დასკვნები გამოვიტანეთ.

ვფიქრობ, ყველას ესმის, რომ წინ უნდა წავიდეთ. ჩვენ უნდა დავრწმუნდეთ, რომ ბურთის კონტროლში უპირატესობა გამოიწვევს გოლის გატანის რეალურ შანსებს. ვეცდებით კარში უფრო ხშირად დავარტყათ. პირველ მატჩში იმაზე ნაკლებად აგრესიულად ვითამაშეთ, ვიდრე გვსურდა. რა თქმა უნდა, ეს აქტობეს დამსახურებაა. მათ მატჩის დასაწყისიდანვე პრესინგი კარგად გამოიყენეს.

მიუხედავად შედეგისა, ბურთის ფლობა გვქონდა. მე არ ვამბობ, რომ ეს ყველაზე მნიშვნელოვანი ასპექტია, მაგრამ საფუძველს გვაძლევს ვიფიქროთ, რომ ბურთის ფლობა გოლად უნდა ვაქციოთ. პირველ მატჩში თითქმის 70%-ით ვფლობდით ბურთს. არ უნდა მოვუკლოთ, არამედ დავრწმუნდეთ, რომ საკმარის მომენტებს შევქმნით. პირველ შეხვედრაში აქტობემ თერთმეტმეტრიანი გაიტანა, მეტოქემ კონტრშეტევიდან ორი გოლი გაიტანა და მხოლოდ ერთი გოლი იყო ღირსეული, შრომატევადი. ჩვენც ბევრი მომენტი გვქონდა. ამიტომ, ვეცდებით მეტოქეს გაცილებით მეტი გოლი გავუტანოთ“.

- განაცხადა კინმა.

შეგახსენებთ, რომ „ტორპედომ“ შინ 1:4 წააგო და ურთულესი ამოცანის წინაშე დგას.