მოვსარ ევლოევი ილია თოფურიას გამარჯვებას ეხმაურება

ჯოშ ემეტის წინააღმდეგ, ილია თოფურიას გამარჯვებას ცნობილი რუსი UFC-ის მებრძოლი, მოვსარ ევლოევი ეხმაურება.

„ემეტი - ნამდვილი მეომარი! თოფურია - ყოჩაღ, ძალიან ჭკვიანური ბრძოლა“, - წერს მოვსარ ევლოევი სოციალურ ქსელში.

ცნობისთვის, მოვსარ ევლოევი და ილია თოფურია არაერთხელ დაპირისპირებიან ერთმანეთს სოციალურ ქსელში და მებრძოლები აქტიურად საუბრობენ ერთმანეთთან ოქტაგონზე შეხვედრაზე. რუსი მებრძოლი UFC-ის ქვემსუბუქი წონითი კატეგორიის რეიტინგში მე-10 ნომერია, ილია თოფურია კი ემეტთან გამარჯვების შემდეგ მე-5 პოზიციაზე აღზევდა.

შეგახსენებთ, რომ ილიასთვის ემეტთან გამარჯვება ისტორიულიც იყო. ქართველმა მებრძოლმა ჯოშ ემეტი მსაჯების შეფასებით 50:42 დაამარცხა, რაც ESPN-ის ინფორმაციით, UFC-ში ეს მხოლოდ სამჯერ მოხდა. 2021 წელს, მაქს ჰოლოუეისა და კელვინ კატარის დაპირისპირებისას მსაჯებმა მაქსს 50:42 დაუფიქსირეს. იგივე ფაქტი 2006 წელს განმეორდა, როდესაც რიჩ ფრანკლინმა დევიდ ლოისოს სძლია, პირველ შემთხვევას კი ადგილი 2001 წელს ჰქონდა, სადაც დევი მენმა გილ კასტილოს მსგავსი ანგარიშით მოუგო.

თოფურია VS ემეტი