ტოტენჰემმა ლორისის შემცვლელი შეარჩია | ის მამარდაშვილი არაა
„ტოტენჰემმა“ უგო ლორისის შემცვლელი იპოვა. ფრანგმა მეკარემ განაცხადა, რომ სეზონის დასრულების შემდეგ, „დეზების“ რიგებს დატოვებდა და ლონდონელები დიდი ხნის განმავლობაში ფიქრობდნენ ფეხბურთელზე, რომელიც ლორისის მემკვიდრეობას ღირსეულად განაგრძობდა.
„ტოტენჰემი“ გიორგი მამარდაშვილის გაფორმებასაც განიხილავდა, მაგრამ არჩევანი სხვა მეკარეზე შეაჩერა. როგორც ცნობილი სატრანსფერო ექსპერტი, ფაბრიციო რომანო წერს, ლონდონელები „ემპოლის“ კარის დარაჯს, გულიელმო ვიკარიოს იფორმებენ.
Guglielmo Vicario to Tottenham, here we go! Agreement completed after official bid sent for the Italian goalkeeper to join Spurs on €19m deal. ????⚪️???????? #THFC
— Fabrizio Romano (@FabrizioRomano) June 22, 2023
Vicario joins after excellent season at Empoli — he will be in London in the next hours to sign contract until 2028. pic.twitter.com/Q5MznCQmxK
რომანოს მიხედვით, მხარეებს შორის ყველა დეტალი შეთანხმებულია. „ემპოლიმ“ 19 მილიონი ევროს ოდენობის შეთავაზება ოფიციალურად მიიღო და მომდევნო საათებში, ვიკარიო ლონდონში ჩავა, რათა ახალ კლუბთან კონტრაქტი გააფორმოს. მისი ხელშეკრულება 2028 წლის ზაფხულამდე იქნება გათვლილი.
შეგახსენებთ, რომ ვიკარიო „ინტერის“ ყურადღების ცენტრშიც იყო. „ნერაძური“ მას ან მამარდაშვილს ანდრე ონანას შემცვლელად მოიაზრებდა და როგორც ჩანს, ერთადერთი ვარიანტი დარჩათ. შესაბამისად, თუ ონანამ მილანი დატოვა, „ინტერი“ მთელ ყურადღებას ქართველ ფეხბურთელზე გადაიტანს.