აგვისტოს შემდეგ პირველად | მიქაუტაძეს შანსი აქვს, თვის საუკეთესო ფეხბურთელი გახდეს
„მეცის“ ქართველი თავდამსხმელი, გიორგი მიქაუტაძე ბრწყინვალე ფორმაში იმყოფება და საფრანგეთის ლიგა 2-ის მიმდინარე სეზონში 15 გოლი აქვს გატანილი. მიქაუტაძის ასპარეზობა უყურადღებოდ არ დარჩენილა და მას შანსი აქვს, ლიგა 2-ის მარტის თვის საუკეთესო მოთამაშე გახდეს.
Co-meilleur buteur du championnat, Georges Mikautadze a encore sorti des prestations XXL en ce mois de mars ????
— UNFP (@UNFP) April 11, 2023
Comme il y a 6 mois en août, il est nommé pour le Trophée de Joueur du Mois en @Ligue2BKT ????
Votez pour lui ici : https://t.co/holN4l3QpC#TropheesUNFP pic.twitter.com/vn85L2k7lt
საფრანგეთის პროფესიულ ფეხბურთელთა ასოციაციამ 3 მოთამაშე დაასახელა, რომლებიც ზემოთ ხსენებული ჯილდოსთვის იბრძვიან და ერთ-ერთი მიქაუტაძე გახლავთ. „მეცის“ შემტევის კონკურენტები ნილს ნკუნკუ და ფრანკ მაგრი არიან. გიორგი თვის საუკეთესო ფეხბურთელის ჯილდოზე ბოლოს აგვისტოში იყო ნომინირებული და მისთვის ხმის მიცემა ამ ბმულზე შეგიძლიათ.
მიქაუტაძე მარტში შეუდარებელი იყო და „მეცის“ წარმატებულ ასპარეზობაში უდიდესი წვლილი შეიტანა. მისმა კლუბმა გასულ თვეში 4 შეხვედრა გამართა და გიორგიმ მოედანზე საერთო ჯამში, 359 წუთი გაატარა, მის ანგარიშზე კი 3 გოლი და 2 საგოლე გადაცემაა.
შეგახსენებთ, რომ „მეცს“ 52 ქულა აქვს და მეორეადგილოსან „ბორდოს“ 4 ქულით ჩამორჩება. ლიგა 2-ის მომდევნო ტურში ამ გუნდების დაპირისპირებას ვიხილავთ და მატჩი 15 აპრილს, თბილისის დროით, 17:00-ზე დაიწყება.
