ანჩელოტი: 80-90-იან წლებთან შედარებით აშკარაა, რომ ახლა კორუფცია არ არის

კარლო ანჩელოტი „ატლეტიკოს“ გენერალური დირექტორის სიტყვებს გამოეხმაურა, რომელმაც „რეალის“ გამარჯვება მსაჯებზე ზეწოლას დააბრალა.

შეგახსენებთ, რომ ესპანეთის თასის 1/4 ფინალში მატჩის შემდეგ, მიგელ ანხელ ხილ მარინმა არბიტრის მიერ სებალოსის დანდობის მომენტზე ისაუბრა: „რეალი მსაჯებზე ზეწოლას ახდენს და მათ იციან, რა ელით, თუ მადრიდს დააზარალებენ. ათწლეულების განმავლობაში იგივე ხდება - ეს არის სისტემა“.

ანჩელოტი ხილის სიტყვების შესახებ

„თანაბარი მატჩი იყო. ჩვენ ვიმსახურებთ უფრო შორს წასვლას. არა, მე არ ვაპირებ ამაზე საუბარს (ატლეტიკოს დირექტორის განცხადება).

არაფერი წამიკითხავს, ​​უბრალოდ რაღაც გავიგე. აღარ მინდა ამ თემაზე საუბარი. ჩემი ხასიათი ისეთია, რომ ყველა აზრს პატივს ვცემ. სულ ეს არის".

მსაჯების შესახებ

„ძალიან რთულია. VAR-ი გვეხმარება, განსაკუთრებით თამაშგარე სიტუაციებში. 80-90-იან წლებთან შედარებით აშკარაა, რომ ახლა კორუფცია არ არის. შეცდომები კვლავ არის, მაგრამ ევროპაში მსაჯობა ძალიან გაუმჯობესდა“, -

განაცხადა ანჩელოტიმ.