ბარსა და ატლეტიკო შეთანხმდნენ - დეპაიმ ბლაუგრანა ოფიციალურად დატოვა
ნიდერლანდელი ფეხბურთელი, მემფის დეპაი კარიერას „ატლეტიკოში“ განაგრძობს. „ბარსელონამ“ რამდენიმე წუთის წინ, ოფიციალური განცხადება გაავრცელა, რომელშიც დაადასტურა, რომ „როხიბლანკოსთან“ შეთანხმებას მიაღწია.
???? LATEST NEWS ????
— FC Barcelona (@FCBarcelona) January 20, 2023
FC Barcelona and Club Atlético de Madrid have reached an agreement on the transfer of Memphis Depay
„ბარსელონა და ატლეტიკო მემფის დეპაის ტრანსფერზე შეთანხმდნენ. გარიგების ღირებულება 3 მილიონი ევროა, რასაც 1 მილიონი ევროს ოდენობის ბონუსები შეიძლება დაემატოს. შეთანხმებაში ჩადებულია პუნქტი, რომლის მიხედვითაც, იანიკ კარასკოს შეძენა სავალდებულო არააა და კლუბის სურვილზეა დამოკიდებული“, - წერს „ბარსელონა“.
შეგახსენებთ, რომ მემფისმა „ბარსას“ რიგებში ჯამში 42 მატჩი გამართა და მის ანგარიშზე 14 გოლი და 2 საგოლე გადაცემაა. ნიდერლანდელმა ახალ კლუბთან უკვე ივარჯიშა და „ატლეტიკომ“ გუშინ გვაუწყა, რომ კატალონიელებისგან თანხმობა მიიღო, რათა მემფისს მადრიდში ევარჯიშა.
