მუხლზე ოპერაცია სჭირდება - ჟესუსი 3 თვეს გამოტოვებს
როგორც გუშინ გახდა ცნობილი, გაბრიელ ჟესუსმა და ალექს ალექს ტელეშმა ტრავმები მიიღეს და მუნდიალს გამოტოვებენ. „არსენალის“ თავდამსხმელისთვის სიტუაცია მძიმეა.
გავლენიანი გამოცემა SporTV-ის ინფორმაციით, გაბრიელის გამოჯანმრთელებას 3 თვე დასჭირდება. ეს კი თავად ფეხბურთელისთვის და ლონდონის „არსენალისთვის“ პრობლემაა.
25 წლის შემტევს მუხლზე ოპერაცია სჭირდება. ჟესუსი ლონდონში დღეს გაფრინდება და მედიკოსებთან პირველად კონსულტაციას გაივლის, ხოლო ამის შემდეგ ოპერაცია დაიგეგმება.
Gabriel Jesus three months out. Will need to have surgery on his knee. He’s flying to London on Sunday 3pm to begin his recovery. Really bad news https://t.co/DuDDcDN29n
— Renato (@rehnato) December 3, 2022
შეგახსენებთ, რომ ბრაზილიელი თავდამსხმელი „მეთოფეებს“ მიმდინარე წლის ზაფხულის სატრანსფერო ფანჯრის დროს შეუერთდა და უმალ გუნდის ლიდერად მოგვევლინა. ჟესუსმა „არსენალის“ შემადგენლობაში ჯერჯერობით 20 მატჩი ჩაატარა, 5 გოლი გაიტანა და 7 საგოლე გადაცემა შეასრულა.
