დაპირისპირება პოლიციასთან - ბელგიის მარცხს ბრიუსელში მასშტაბური არეულობა მოჰყვა
კატარში მიმდინარე მსოფლიო ჩემპიონატის F ჯგუფში, ბელგიისა და მაროკოს ნაკრებების შეხვედრის დასრულების შემდეგ, ბელგიის დედაქალაქ ბრიუსელში პოლიციასა და გულშემატკივრებს შორის ფიზიკური დაპირისპირება მოხდა.
თავდაპირველად, ვითარება პირველი ტაიმის მიწურულს, ჰაკიმ ზიეჩის გაუქმებული გოლის შემდეგ დაიძაბა. ბრიუსელის ცენტრში შეკრებილმა მაროკოს გულშემატკივრებმა საყვარელი ნაკრების გოლი ემოციურად აღნიშნეს, რამაც ბელგიელი ქომაგების გაღიზიანება გამოიწვია. სიტუაცია განსაკუთრებულად მას შემდეგ დამძიმდა, რაც მაროკომ მეორე ტაიმში ორი გოლი გაიტანა და ბელგიელთა მარცხი გარდაუვალი გახდა.
???????? Brussels today pic.twitter.com/dCYVj7Rq7D
— Feiko ⚖️ (@Psycho111177) November 27, 2022
თავდაპირველად გულშემატკივრები ერთმანეთს დაუპირისპირდნენ, მოგვიანებით კი კონფლიქტი პოლიციასთან დაპირისპირებაში გადაიზარდა. საპასუხოდ, სამართალდამცველებს ცრემლსადენი გაზისა და წყლის ჭავლის გამოყენება მოუწია. გავრცელებული ინფორმაციით, დაკავებულია რამდენიმე ათეული ადამიანი, დაშავებულთა რიცხვი კი რამდენიმე ასეულს აღწევს.
Kids being stupid. But why mess up a place that has let you into their country, given you a home, give you opportunities - and this is what you do when you win a football match?
— Imani W - Women In Footie ????⚫️ (@imanilfc) November 27, 2022
You have to care about the community in which you live. Period. #Brussels pic.twitter.com/o6g9V0Lq6T
 
სოციალურ ქსელში გავრცელებული კადრებით ჩანს, რომ გულშემატკივრებმა მანქანებს ცეცხლი წაუკიდეს, დაარბიეს მაღაზიები და გაანადგურეს ქუჩის ინფრასტრუქტურა. ყველა ეჭვმიტანილის მიმართ საქმე ადმინისტრაციული მუხლით აღიძრა.
Morrocan fans in Brussels after Morroco beat Belgium in #FIFAWorldCuppic.twitter.com/TKZeG2JS0B
— Devi(L)????????✝️⚽ ???????????????? (@redd3vil777) November 27, 2022
2 ტურის შემდეგ მაროკოს ნაკრებს F ჯგუფში 4 ქულა აქვს და ხორვატიასთან ერთად 1-2 ადგილს ინაწილებს. მესამე პოზიციაზე კი ბელგიის ნაკრებია. მაროკოელები დასკვნით შეხვედრას კანადას წინააღმდეგ გამართავენ, ბელგიელები კი ხორვატიის ნაკრებს დაუპირისპირდებიან. ორივე მატჩი 1 დეკემბერს, საქართველოს დროით 19:00 საათზე გაიმართება.