დეპაი მიდის - იუვენტუსს იმედი აქვს, რომ ტრანსფერს ამ კვირაში დახურავს
მემფის დეპაი „ბარსელონას“ ტოვებს. ესპანური Relevo-ს ინფორმაციით, 28 წლის ფეხბურთელი კარიერას „იუვენტუსში“ გააგრძელებს და დიდი ალბათობით, „ბიანკონერი“ მის ტრანსფერს ამ კვირაში დახურავს.
„ბებერი ქალბატონი“ ნიდერლანდელის სანაცვლოდ „ბარსას“ სიმბოლურ თანხას გადაუხდის. ტურინელები დეპაისთან მოლაპარაკებებს აქტიურად აწარმოებენ და მას წინადადებითაც მიმართეს. „იუვემ“ მემფისს 2-წლიანი კონტრაქტი შესთავაზა და ყოველწლიურად, ხელფასის სახით, 6 მილიონ ევროს დაპირდა.
La Juventus quiere cerrar a Memphis esta semana.
— Relevo (@relevo) August 9, 2022
???? El jugador espera poder salir gratis si concreta su marcha antes del sábado.
???? Sobre la mesa, la opción de que la Juve abone un precio simbólico.
???? Le ofrecen dos años de contrato a 6M.@tjuanmarti ????@MatteMoretto pic.twitter.com/FP2w9e6F0i
კატალონიური Sport-ის ცნობით, დეპაის „კამპ ნოუს“ დატოვება გადაწყვეტილი აქვს და ამის ერთ-ერთი განმაპირობებელი მიზეზი რობერტ ლევანდოვსკის ტრანსფერია. მისი გაშვებით „ბარსელონაც“ ინტერესდება და საჭიროების შემთხვევაში, მზადაა, მას უსასყიდლოდ შეელიოს.
შეგახსენებთ, რომ დეპაიმ „ბლაუგრანას“ მაისურით 36 მატჩი ჩაატარა და 13 გოლი შეაგდო. მას კლუბთან კონტრაქტი 2023 წლის ივნისამდე აკავშირებს.