50 მილიონის სანაცვლოდ - კუკურელა ჩელსიში ითამაშებს
მას შემდეგ, რაც ტოდ ბოელმა „ჩელსი“ შეიძინა სატრანსფერო ფანჯარაზე ძალიან აქტიურობს. „არისტოკრატებმა“ რაჰიმ სტერლინგი და კალიდუ კულიბალი დაიმატეს. ლონდონელებს რაფინიას და კუნდეს ყიდვაც უნდოდათ, მაგრამ ორივე ფეხბურთელი „ბარსელონაში“ წავიდა.
ბოლო პერიოდში, „ჩელსი“ დაცვის ხაზის გაძლიერებაზე გადაერთო. გაჩნდა ცნობები, რომ ტოდ ბოელს კუკურელას დამატება უნდოდა, რაც საბოლოო ჯამში გამოუვიდა.
გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო „ტვიტერის“ საკუთარ გვერდზე წერს, რომ მხარეებს შორის ყველაფერი მოგვარებულია.
Marc Cucurella to Chelsea, here we go! Full agreement in place between Chelsea and Brighton for more than £50m. Levi Colwill on the verge of joining Brighton soon. ???????? #CFC
— Fabrizio Romano (@FabrizioRomano) August 3, 2022
Personal terms already agreed, no way for Man City. Cucurella will become Chelsea new signing, done. pic.twitter.com/5Rw6CvDT1l
„არისტოკრატები“ „ბრაიტონს“ 50 მილიონ ევროს გადაუხდიან. კლუბსა და ფეხბურთელს შორის პირადი დეტალებიც შეთანხმებულია და ტრანსფერი სულ მალე გაოფიციალურდება. ცნობისთვის, კუკურელას შეძენით „მანჩესტერ სიტიც“ ინტერესდებოდა, მაგრამ ფეხბურთელმა „ჩელსი“ აირჩია.
შეგახსენებთ, რომ ესპანელი მარცხენა მცველი „ბრაიტონს“ 2021 წელს შეუერთდა. დღემდე მარკმა ინგლისური გუნდის მაისური ყველა ტურნირზე ერთად 38-ჯერ მოირგო, 1 გოლი გაიტანა და 2 საგოლე გადაცემა შეასრულა.
