მაკასარაშვილის ლამაზი გოლი - ბასიანი რეგიონთა თასს დაემშვიდობა
UEFA-ს რეგიონთა თასის A ჯგუფში ყაზახურმა ''კაშკელენმა'' ბაქოში ''ბასიანი'' 2:1 დაამარცხა. ამ გამარჯვებით ყაზახურმა კლუბმა ჯგუფური ეტაპი ექვსი ქულით პირველ ადგილზე დაასრულა, საქართველოს წარმომადგენელი ''ბასიანი'' ტურნირს დაემშვიდობა.
ანგარიში მე-7 წუთზე ჩულაგოვმა გახსნა. 30-ე წუთზე კაზიბეკოვმა ანგარიში ორამდე გაზარდა. 57-ე წუთზე მაკასარაშვილმა სხვაობა ლამაზი საჯარიმო დარტყმით შეამცირა და მატჩის საბოლოო ანგარიში დაფიქსირდა.
შეგახსენებთ, სამგუნდიან ჯგუფში ''ბასიანმა'' პირველი შეხვედრა ესტონურ ''ტალინა ზაპოოოსთან'' გამართა და 3:1 დაამარცხა. ამ მატჩში ''ბასიანისთვის'' გოლები ხიდეშელმა, თევზაძემ და ლეპსაიამ გაიტანეს. ''ბასიანისგან'' განსხვავებით ყაზახურმა ''კაშკელენმა'' ორივე მატჩი მოიგო და შემდეგ ეტაპზე გავიდა.
ბაქოში მეორე ჯგუფის ორი გუნდია – აზერბაჯანული და ბელარუსული. რეგიონთა თასზე ჩვენი საკვალიფიკაციო ეტაპის გამარჯვებულს ამ ორი ჯგუფის გამარჯვებულების ფინალი გამოავლენს, რომელიც 29 ივნისს გაიმართება.