ტოპ 20-ში პსჟ-ს 18 მოთამაშეა - ყველაზე მაღალანაზღაურებადი ფეხბურთელები ლიგა 1-ში
Aa
Aa

ტოპ 20-ში პსჟ-ს 18 მოთამაშეა - ყველაზე მაღალანაზღაურებადი ფეხბურთელები ლიგა 1-ში

გავლენიანმა ფრანგულმა გაზეთმა, L’Equipe-მა ლიგა 1-ის ყველაზე მაღალანაზღაურებადი ფეხბურთელების სია გამოაქვეყნა. გასაკვირი ალბათ არავისთვისაა, რომ „პარი სენ-ჟერმენის“ მოთამაშეებს ყველაზე მაღალი ხელფასები აქვთ და წამყვან პოზიციებს იკავებენ.

L’Equipe-ის მიხედვით, ყველაზე მაღალანაზღაურებადი ფეხბურთელი ნეიმარი გახლავთ და ყოველთვიურად, იგი 4 083 000 ევროს იღებს. მეორე პოზიციას ლიონელ მესი იკავებს - 3 375 000 ევრო. მესამე ადგილზე კილიან მბაპეა - 2 220 000 ევრო, ხოლო მეოთხე და მეხუთე პოზიციას მარკინიოსი და ვერატი ინაწილებენ - 1 200 000 ევრო.

აღსანიშნავია, რომ ლიგა 1-ის ყველაზე მაღალანაზღაურებადი ფეხბურთელების ტოპ 20-ში „პარი სენ-ჟერმენის“ 18 მოთამაშე მოხვდა. მათ გარდა, „მონაკოს“ ორ ფეხბურთელს, ბენ იედერსა და ფაბრეგასს ვხედავთ. ეს უკანასკნელი ყოველთვიურად, 600 000 ევროს იღებს, ბენ იედერის ანაზღაურება კი 650 000 ევროა.

შეგახსენებთ, რომ დღეს, უცხოურ პრესაში „პარი სენ-ჟერმენთან“ დაკავშირებით, საინტერესო ინფორმაცია გავრცელდა. Le Parisien-მა დაწერა, რომ გუნდი ორ ბანაკადაა გაყოფილი და ერთ მხარეს ფრანგულად მოსაუბრე, ხოლო მეორე მხარეს - სამხრეთ ამერიკული ქვეყნების წარმომადგენელი ფეხბურთელები არიან.

მსგავსი სიახლეები

ცხელი ამბები
ასევე დაგაინტერესებთ
ტოჩინოშინის გამარჯვება ნაცნობ მეტოქესთან - ერთი ნაბიჯი დადებით ბალანსამდე
ტოჩინოშინის გამარჯვება ნაცნობ მეტოქესთან - ერთი ნაბიჯი დადებით ბალანსამდე