გაძევებები და პენალტები - ლუიზის ანტირეკორდი 2019 წლის აგვისტოს შემდეგ
ლონდონის „არსენალში“ გადასვლის შემდეგ დავიდ ლუიზს პრემიერ ლიგაში მოასპარეზე ფეხბურთელებს შორის ყველაზე უარყოფითი სტატისტიკა აქვს.
2019 წლის აგვისტოდან მოყოლებული ბრაზილიელი მცველი მოედნიდან 3-ჯერ გააძევეს და მისი არაზუსტი თამაშის გამო 6 პენალტი დაინიშნა, ხსენებულ პერიოდში კი ინგლისის ჩემპიონატში ასეთი ცუდი შედეგი არც ერთ სხვა ფეხბურთელს არ აქვს.
3 & 6 - Since making his @PremierLeague debut for Arsenal in August 2019, David Luiz has received more red cards (3) and conceded more penalties (6) than any other player in the competition. Calamity pic.twitter.com/TLmGdvKP4w
— OptaJoe (@OptaJoe) February 2, 2021
ლუიზს მორიგი უარყოფითი დღე გუშინ, „ვულვზის“ წინააღმდეგ ჰქონდა (მატჩის მიმოხილვა). მისი გუნდი 1:0-ს იგებდა, მაგრამ პირველი ტაიმის მიწურულს საჯარიმოში წესი დაარღვია, მსაჯს პენალტის დანიშვნის საფუძველი მისცა და თავიც გააძევებინა.
თერთმეტი მეტრიდან ზუსტად რუბენ ნევეშმა დაარტყა, მეორე ნახევრის სტარტზე კი ჟოაო მოუტინიომ გამარჯვებისა შეაგდო და „მგლებმა“ „მეთოფეებს“ სეზონში ორივე შეხვედრა 1978-79 წლების სეზონის შემდეგ პირველად მოუგეს.
მიკელ არტეტას გუნდს 22 ტურში 31 ქულა აქვს მოპოვებული და ჩემპიონთა ლიგის ზონას უკვე მთელი 8 ქულით ჩამორჩება. თანაც, „ლესტერზე“ თამაშით მეტი აქვს ჩატარებული.