კობი ბრაიანტი ავიაკატასტროფაში დაიღუპა
ლეგენდარული კობი ბრაიანტი 41 წლის ასაკში ავიაკატასტროფაში დაიღუპა. შემთხვევა, ადგილობრივი დროით, კვირას დილით, კალიფორნიაში, კერძოდ კი კალაბასასში მოხდა.
ვერტმფრენში ბრაიანტთან ერთად 8 პირი იმყოფებოდა, რომელთა გადარჩენა ვერ მოხერხდა. ინფორმაციას ამერიკული პრესა ადასტურებს. CNN-ის ცნობით, ვერტმფრენში კობი ბრაიანტი ნამდვილად იმყოფებოდა და იგი, ისევე როგორც, დანარჩენი 8 ადამიანი, გარდაცვლილია.
Deputies on scene with @LACOFD regarding aircraft crash. https://t.co/o2xkFluzQm pic.twitter.com/BPGfKS6nFt
— LASD Lost Hills Stn. (@LHSLASD) January 26, 2020
არსებული ინფორმაციით, ვერტმფრენში ბრაიანტის მეუღლე არ იმყოფებოდა, თუმცა იქ ლეგენდარული კალათბურთელის ერთ-ერთი შვილი, ჯიანა იყო. ამ ეტაპზე, ავიაკატასტროფის გამოწვევი მიზეზი უცნობია.
კობი ბრაიანტმა მთელი პროფესიული კარიერა ''ლოს ანჯელეს ლეიკერსს'' მიუძღვნა, კლუბის ღირსებას 1996-2016 წლებში იცავდა. ამერიკის ნაციონალური საკალათბურთო ასოციაციის გამარჯვებული ხუთჯერ გახდა (2000, 2001, 2002, 2009 და 2010 წლებში).
ლეგენდარულმა ამერიკელმა კალათბურთელმა კარიერა 2016 წლის აპრილში დაასრულა.
