''პოგონი'' ჩაიშალა: ბუღრიძე თბილისის ''დინამოში'' ითამაშებს
საქართველოს ახალგაზრდული ნაკრების შემტევი ირაკლი ბუღრიძე კარიერას თბილისის ''დინამოში'' გააგრძელებს. CrystalSport-ის ცნობით ფეხბურთელის წარმომადგენელსა და პოლონურ ''პოგონს'' შორის მოლაპარაკება გაჭიანურდა. 22 წლის გარემარბმა გადაწყვიტა 2019 წლის სეზონი თბილისის ''დინამოში'' დაიწყოს. მისი დამატების სურვილი ასევე ჰქონდა გია ცეცაძის გაწვრთნილ ''საბურთალოს.''
#CrystalSport: Irakli Bugridze (22) wanted to play for Pogon, but his representatives has failed to reach agreement with Pogon and Bugridze will not join any foreign club this winter. He decided to play in Georgian League for Dinamo Tbilisi. pic.twitter.com/ydGvp9xwqO
— Dima Shariqadze (@shariqadzedima) January 12, 2020
ევრო 2021-ის შესარჩევ ციკლში ცეცაძის მწვრთნელობისას ბუღრიძემ ლიხტენშტაინსა და აზერბაიჯანს გაუტანა, საფრანგეთთან მატჩში კი ერთი გოლის შექმნაში მიიღო მონაწილეობა.
ბუღრიძემ კარიერის საუკეთესო სეზონი საჩხერის ''ჩიხურაში'' ჩაატარა, რის შემდეგაც კარიერა ბელგიურ ''ბეერსხოტში'' გააგრძელა, თუმცა ბელგიაში გატარებული 1 წელი მისთვის წარმატებული არ ყოფილა, რადგან სათამაშო დროის პრობლემა ჰქონდა. სწორედ ამ მიზეზით მიმდინარე თვის დასაწყისში ''ბეერსხოტთან'' კონტრაქტი ორმხრივი შეთანხმებით გაწყვიტა.
ფოტო: eliga.ge
