შეუდარებელი ჯეიმს ჰარდენი და "ჰიუსტონის" დამაჯერებელი გამარჯვება
„ჰიუსტონ როქეთსი“ მიმდინარე სეზონის ერთ-ერთი ფავორიტია და ტეხასელებმა ეს „კლიპერსთან“ გამართულ შეხვედრაშიც დაამტკიცეს. მართალია ლოს-ანჯელესური გუნდი კვლავ პოლ ჯორჯის გარეშე ასპარეზობს, მაგრამ ეს მაიკ დენტონის კოლექტივის ბრწყინვალე ასპარეზობას ნამდვილად არ აკნინებს.
B R O D I E pic.twitter.com/pPQmKsRMoO
— Houston Rockets (@HoustonRockets) November 14, 2019
"ჰიუსტონს" კითხვის ნიშნები არ დაუტოვებია. "როქეთსი" უპირატესობას მთელი მატჩის განმავლობაში ფლობდა და უკეთესი გუნდის შთაბეჭდილებას ტოვებდა. ტეხასელებმა შეხვედრა კარგად დაიწყეს. მათ პირველ მეოთხედში +16 დააფიქსირეს და ჰანდიკაპი საფინალო სირენამდე შეინარჩუნეს. თანაც „კლიპერსს“ 100 ქულიანი ნიშნულის გადალახვის უფლებაც არ მისცეს - 102 - 93.
როგორც ხშირად ხდება ხოლმე, „როქეთსის“ გამარჯვება ჯეიმს ჰარდენის ბრწყინვალე თამაშის დამსახურება გახლდათ. „წვერამ“ შესანიშნავად ისპარეზა და 47 ქულასთან ერთად 6 მოხსნა, 7 პასი და 3 ჩაჭრა გაიფორმა. ჰარდენის გარდა 17 ქულით რასელ უესტბრუკი გამოირჩა. კლინტ კაპელამ კი 12 ქულასთან ერთად 20 მოხსნა მიითვალა.
Harden Was On Another Planet ????
— Houston Rockets (@HoustonRockets) November 14, 2019
???? 47pts
???? 7ast
???? 7 3s pic.twitter.com/fV15AUJA2s
„კლიპერსის“ მხრიდან 10 ქულიანი ნიშნული მხოლოდ სამმა კალათბურთელმა გადალახა. კავაი ლეონარდი - 26, ლუ უილიამსი - 20 და ჯამაიკლ გრინი - 14.