დრამატული ფინალი კიზის სასარგებლოდ! - ცინცინატიში მასპინძელმა იმარჯვა
ცინცინატის ქალთა საჩოგბურთო ტურნირი მედისონ კიზის გამარჯვებით დასრულდა, რომელმაც მასპინძელი ამერიკის ღირსება წარმატებით დაიცვა და თავის კარიერაში ყველაზე პრესტიჟული ტიტული მოიპოვა.
კიზს საკმაოდ რთული ბადე ჰქონდა და ტურნირის მიმდინარეობისას, სხვებთან ერთად, გარბინ მუგურუსას, სიმონა ჰალეპსა და ვენუს უილიამსს მოუგო, ფინალში კი რუს სვეტლანა კუზნეცოვაზე გავიდა.
დიდი სლემის ტურნირების ორგზის გამარჯვებულმა 34 წლის კუზნეცოვამ კი ფინალამდე სლოუნ სტივენსს, კაროლინა პლიშკოვასა და ეშლი ბარტის აჯობა.
It's a serious business...but still time for ???? and ⚽ !
— WTA (@WTA) August 18, 2019
We already know @SvetlanaK27 loves her soccer... but what do you reckon, @USWNT - could @Madison_Keys get a place on the roster?#CincyTennis pic.twitter.com/RlX4lqFYIT
პირველი სეტი სწორედ ვეტერანი რუსის უპირატესობით წარიმართა და 5:4-ზე სეტის მოსაგებადაც აწვდიდა, თუმცა შანსი ვერ გამოიყენა ზედიზედ 3 გეიმის წაგებით პარტიაც ამერიკელს დაუთმო.
დაახლოებით იგივე სცენარი გათამაშდა მეორე სეტშიც, როცა ასევე 5:4-ზე კუზნეცოვა აწვდიდა, კიზმა ამჯერად ტაიბრეიკზე იმარჯვა და თამაში 2 სეტში დაასრულა - 7:5; 7:6.
Keys to the trophy!@madison_keys is your @cincytennis champion - beating Kuznetsova 7-5, 7-6(5)!#CincyTennis pic.twitter.com/1WlLFLDRpm
— WTA (@WTA) August 18, 2019
24 წლის ამერიკელმა კარიერაში მეხუთე ტიტული მოიგო, მის ყველაზე დიდ მიღწევად კი ამერიკის ღია პირველობის 2017 წლის ფინალი რჩება, სადაც გამარჯვება მის მეგობარ სლოუნ სტივენსს დარჩა.
კიზს რეიტინგში 710 ქულა დაემატა, 7 საფეხურით დაწინაურდა და დღეიდან მსოფლიოს მე-10 ჩოგნის სტატუსი აქვს.