ხელბურთელებმა მალტაში მოგებით დაიწყეს
ხელბურთის ეროვნულმა ნაკრებმა ევრო 2022-ის პირველი საკვალიფიკაციო ეტაპი მალტაში გამარჯვებით დაიწყო.
საქართველოს ეროვნულმა ნაკრებმა მასპინძელთა ნაკრები ანგარიშით 48-21 დაამარცხა.
ჩვენ გუნდს ცხოვრებაძემ ულიდერა , რომელმაც მეტოქეს 11 გოლი გაუტანა.
ჯგუფის მეორე შეხვედრაში კვიპროსმა აზერბაიჯანს 25-17 აჯობა.
დღეს ჯორჯე რაშიჩის გაწვრთნილი ხელბურთელები აზერბაიჯანს დაუპირისპირდებიან , ხოლო ხვალ საქართველოს მეტოქე კვიპროსისი გუნდი იქნება.
მეორე ეტაპზე, პლეიოფში, მხოლოდ ჯგუფის გამარჯვებული გადის.
