საქართველოს ნაკრები მსოფლიო რეიტინგში 3 ადგილით დაწინაურდა!
დღეს, 29 ნოემბერს, ფიფა/კოკა-კოლას განახლებული რეიტინგი გამოქვეყნდა, რომელშიც რამდენიმე დღის წინ გამართულმა სანაკრებო მატჩებმა საგრძნობი ცვლილებები შეიტანა.
საქართველოს ნაკრებმა ანდორასთან 1:1 ითამაშა, ყაზახეთს კი 2:1 აჯობა, შედეგად, მსოფლიო კლასიფიკაციაში 92-დან 89-ე ადგილამდე დაწინაურდა. "ჯვაროსნებს" ახლა 1269 სარეიტინგო ქულა აქვთ. რაც შეეხება ერთა ლიგის 1/2 ფინალში ჩვენს მეტოქეს, ბელარუსს, იგი 1317 ქულით, 76-ე საფეხურზეა.
კლასიფიკაციის ზედა ხუთეულში არანაირი ცვლილება არ მომხდარა, ბელგია, საფრანგეთი, ბრაზილია, ხორვატია და ინგლისი, პოზიციებს შესაბამისი თანმიმდევრობით ინარჩუნებენ.
ერთი ადგილით დაწინაურდა პორტუგალია, რომელმაც ურუგვაის პოზიცია გაუცვალა და ახლა მსოფლიოს მე-6 ნაკრების სტატუსითაა, ათეულში ასევე ვხვდებით შვეიცარიის, ესპანეთისა და დანიის ეროვნულ გუნდებს, არგენტინა კი მე-11 ადგილზეა.
NEW #FIFARANKING
— FIFA.com (@FIFAcom) November 29, 2018
????????Belgium remain top
????????????????Sweden & Serbia soar
????African quintet make big strides
More info ℹ️➡️ https://t.co/JXYZupuA8D pic.twitter.com/cEDSWAxMPh
